[討論] 大敗後之感想

大家都對個排陣好有意見，但係留意返其實個陣同預賽打和北韓個陣係一樣既
個時都係雙防中加傻邦打右翼，金ＳＩＲ　可能諗住食過番尋味
其實個用人係可以理解既，李海強係中間分波同對抗性都好過歐沖，佢都的確係交到幾球靚波
但係由於佢既跑動能力太低，所以阿金出左個比較跑得既ＰＥＴＥＲ，但係ＰＥＴＥＲ既腳下功夫又太差。。。變左辛辛苦苦搶左既波轉個頭又踢返比人
而傻邦打右翼，我諗係因為李志豪太唔穩陣，所以出個守波好Ｄ既傻邦，其實傻邦踢得幾稱職
香港隊係守死球方面係有問題，失第一同第三球都係遠柱比人ＳＥＴ入中間撞入，同東亞運對日本個場失第一球一樣，香港隊係搶第二點個意識係好差
一對中堅又發夢，經常拍波唔埋身又包越位，不過事前都的確諗唔到佢地會踢成咁。。。佢地又的確係最好既人選
不過對住強隊係咪仲要裝咁多越位呢。。。
下半場踢得好左好多。。。對手都放軟手腳。。。所以下半場係踢得幾均勢既
其實韓國隊除左死球真係無乜機會，失多球都係一對中堅大意，下場可以調整下
港隊表現個人評分：
張春輝：全隊最無奈既人，失波全部唔關佢事，都算穩健　７分
李志豪：記億中除左東亞運，踢親港隊都出事，心態有Ｄ問題，下半場放開黎踢係好左　６分
潘耀焯：用經驗同路數補教身體上面既不足，仍然係香港最佳左閘　７分
卓卓：包幾次越位，犯規過多，水準之下　５分
吳偉超：拍波唔埋身，唔追波，睇唔出比起其他隊友高一班　５分
文彼德：有兩球關佢事，練下波先啦　４分
陳偉豪：夠定，不過死球ＭＡＲＫ人上面有問題，打返中堅應該好Ｄ　６分
郭建邦：拚勁十足，速度為對手帶黎威脅，香港隊ＭＶＰ　８分
梁振邦：夠膽自己去，跑動多，稱職　７分
李海強：分波唔錯，跑動太少，對球隊幫助唔大　６分
巢鵬飛：孤軍作戰，係前面控到波，收貨　７分

白鶴：好文彼得好多，對球隊串聯有幫助　７分
歐陽耀沖：一如以往，技術無問題，少數港隊上到腳既人　６分
徐德帥：表現機會太少　６分

對日本心目中陣容：
　　　　　　　　　葉鴻輝
　李志豪　　陳偉豪　　吳偉超　　黃展鴻
徐德帥　梁振邦　歐陽耀沖　白鶴　　郭建邦
　　　　　　　巢鵬飛／陳肇麒

Muaythai MMA Videos

GL27

普通會員

UID: 8065
帖子: 348
積分: 298
威望: 298
獎品: 0
性別: 男
來自: Hong Kong
在線時間: 148 小時
註冊時間: 2005-5-31
最後登錄: 2010-5-24

2^#

發表於 2010-2-9 09:22 | 只看該作者

唯有寄望可以多D打呢D高對抗性的比賽, 勝過你打甲組波20場, 不過旨意足總或政府安排呢類熱身賽基本上都係得個望字, 人地大拿拿去歐洲非洲打熱身賽, 我地就係咁意同D甲組或青年軍熱身, 贏左都無用, 淨係睇大家防守的方法都唔同, 我地一攻到前場攞住個波, 即刻3-4個人品字形個圍住我地, 幾乎切斷你所有交前的路線, 我地只能交後/比人踢出界/自己帶失, 即使比你交到去前面接應嗰位, 嗰個人已經比1-2人圍死, 唔會有機會比你傳到中. 但人地攻到去我地前場, 明明人地2-3人, 但中場至後場會全速突前去幫波, 但我地的防守永遠都係離開帶波者2-3個身位, 比人睇定哂點做, 幾球波都係咁去輸, 唔係話防守者唔努力, 下場對日本一定要打多D埋身波, 多D用身体去踢波, 卓卓/偉豪/徐德帥/白鶴/偉超都係踢波硬朗有身体質素的人. 上半場唔輸多過2球, 可免一場大敗.

UID: 24369
帖子: 93
積分: 0
威望: 0
獎品: 3
在線時間: 19 小時
註冊時間: 2009-1-23
最後登錄: 2010-6-2

3^#

發表於 2010-2-9 10:42 | 只看該作者

感謝，呢篇真係算好中肯。

其實香港隊一向都對呢種壓迫性踢法都好驚，完全表現唔到正常水平，下下都要滾水碌腳，唔大敗都幾難。呢樣野都唔係呢三兩年的事。認同 G27 講要多D出去踢比賽，拉隊去韓國打番幾場好過打甲組成季啦。

題外話，見到香港隊咁打，我突然諗起自己上網同人打fifa，同樣係對住D好勁既對手，經驗豐富，而且用高壓迫性既踢法，你晌後場運球都心驚肉顫，根本同自己對電腦玩係兩回事；後防錯漏百出，輸到趴街。由此，我感受到香港隊既無奈，唉。

Muaythai MMA Videos

TOP

FOI