[討論] 我有新建議，不知以前有沒有人討論過

ncyaa

關於本地波賽程問題，小弟早前都提出過要及早安排，預留時間給代表隊準備國際賽。但今屆球季不同的比賽太多，加上少了旺角場，局限了可供比賽的時間，令編排賽程確實有一定難度。大家想想今個球季的賽事(已經不計季前的東亞盃外圍賽)：

四場亞洲盃外圍賽(假設每場比賽前一週不安排比賽)，不能安排本地波的時間共四週。

東亞運(假設賽前兩週開始準備，加上比賽期間的兩週)，一共四週不能比賽。

兩場省港盃用去一週比賽

東亞盃決賽週比賽時間兩週，由於比賽重要，需要四週時間準備，一共佔用六週時間

這樣一來，短短九個月的球季，便有15週不能比賽，這樣本地球會要斷斷續續的比賽，對維持各隊狀態和競賽氣氛都不是理想的安排。

香港球季每年9月至來年5月，主要沿自英殖傳統。但大部份亞洲地區的球季都是由年頭2、3月打到年尾11、12月，為了較好地配合各項國際賽賽期，足總是否可以考慮改變球季的時間呢?如果改變，足總可以賀歲盃作為每年球季的序幕，為每年球季帶來好的開始。

需然在炎夏作賽是對球員對球迷都較為辛苦，但可吸引學生在暑期觀戰，而足總亦可參考歐洲各地歇冬的安排，在夏天最炎熱的兩至三週作短暫休戰。而其餘時間亦可避免在烈日當空時比賽，可改在黃昏或夜間舉行。

Peterhk

好耐之前有人講過啦，傻仔
你想做第二個batman?
想上位唔係咁架

alex~~

不如提早一個月開季啦
仲實際

chukwokwah

8月天時暑熱，帶3件衫睇波都死 ~~

ncyaa

8月天時暑熱，帶3件衫睇波都死 ~~
chukwokwah 發表於 2010-2-9 17:23

對球員來講唔係冇好處架，泰國一年四季都咁悶熱，如果香港球員適應咗第時要去東南亞作客都冇咁難頂。

而且我覺得球季中間有個Break係好事，球員出嚟比賽時會感覺fresh啲，冇咁容易厭戰。

奇異光芒

咪啦，香港夏天睇波真係好很熱

球員更加辛苦，中、日、韓抖冬唔抖暑係因為當地冬天會落雪

而家有主客制可以一日同時兩區有波踢，我地聯賽得十隊波架咋

足總係編場做好d，當然康文署要配合啦，其實要做到預留時間比港腳都唔會太難

想港隊有進步，國際賽日約戰其它國家友賽事左必行，梁主席諗下點撲水係佢職責。

wsing

香港夏天熱仲係溼熱
英國佬打波唔係玩命

FO

我都有新建議，不知以前有沒有人討論過

就係谷埋成個球季響12月踢哂佢

TripleH

而家香港既夏天係暴雨、颱風、暴雨、颱風梅花間竹咁輪住黎，就算D人唔怕熱都好難攪。

DUDULUNG

回復 2# Peterhk


    見到你幅俏像........又唸起前日場波......